3.27. To’xtash taqiqlangan
Taqiqlovchi belgilar
<ul><li><strong>3.27 «To‘xtash taqiqlangan» </strong></li></ul><p>belgisi qizil hoshiyali doira shaklida. Biroq belgi foni oq emas ko‘k rangda. Belgi doirasi bo‘ylab X (iks) shaklida ikkita qizil rangli dioganal chiziqlar tortilgan.</p><p><strong>3.27 «To‘xtash taqiqlangan»</strong> yo‘l belgisi yo‘l harakati qatnashchilariga ushbu joyda to‘xtashga ruxsat etilmaganligini bildiradi. Ushbu belgi avtomobillarning boshqa transport vositalariga xalaqit bermasligini ta’minlash uchun o‘rnatiladi.</p><p>Avtomobil – bu harakatlanish uchun mo‘ljallangan qurilma. Ammo ba’zida avtomobil ham to‘xtashi kerak. Yo‘l harakati qoidalarida bunday holatlar to‘xtash yoki to‘xtab turish deb ataladi. Shunday vaziyatlar bo‘ladiki, ba’zan avtomobillar yo‘lning u yoki bu qismida noo‘rin to‘xtashadi, chunki, bu boshqa avtomoballar harakatiga to‘sqinlik tug‘dirishi, tirbandlikka yoki yo‘l – transport hodisasiga sabab bo‘lishi mumkin.</p><p>Avtotransport vositalarini to‘xtash yoki to‘xtab turishi taqiqlangan holatlar Yo‘l harakati qoidalarida batafsil ko‘rsatilgan. Biroq, qandaydir joylarda to‘xtash taqiqlanishi kerak bo‘lgan holatlar bo‘lishi mumkin. Bunday joylar <strong>3.27 «To‘xtash taqiqlangan»</strong> yo‘l belgisi bilan belgilanadi.</p>